شريط الأخبار

الأحد، 4 ديسمبر 2011

آه بحبك .....


آه بحبك *

لما شفتك واقفة فى أجمل طابور ...
وبرضاكى ...
ماسكة فـ  ادين الصغير والكبير
بدر البدور .
ولا حد زقِّك واللا سبِّك ...
واللا مد اديه بيتْحَرَّش بفَجْرك
كان نفسى أزعق واملا كل الدنيا إنى يا مصر إبنك .

لما شفت الضَّهْر مَحْنى ...
إنما الحلم العفى بيجمد القلب الضعيفْ
ويمد إيده يحلب الصوت م اللسان
مطرح ما يسرى يمرى وبطول الرصيف ...
مفرود جناح الحب بيجمَّع ف أهلك ...
كان نفسى أزعق واملا كل الدنيا إنى يا مصر إبنك .

لما شفت الصبح فتَّح فى اللى باقى من دموع الليل فى وردك ...
وان ودنك رافضة للطين والعجين ...
وان قولك من دماغك ... لأ . وعارفة ليه ومين ...
واما جيتك كنت عارف تستحقى الصبر كله ... مش يا دوب حبة سنين ..
فاحضنينى بوسع أرضك ...
جدِّدى الأفراح بقربك ...
وبعبيرك ...
شبعينى بطهر نيلك ...
آه بحبك ... بس لىَّ حق عندك ...
حسسينى بعد طول الصبر يا امه
إنى إبنك .
كتبت بعد رؤية حضارة الشعب المصرى فى التصويت لانتحابات 2011 \\\ 2012

الخميس، 29 سبتمبر 2011

يا منصف الأعلام ...

شـَاءَتْ إرَادَةُ ربِّنـَا أنْ أعْـرفـَهْ
عَبْـرَ الكِتاب فكَانَ حَقـًّـا مُنْصِفَهْ
تجْرى دِمَـاءُ الحُـبِّ فِي ألفاظِـهِ
فيُصَـادِقَ القلـْبَ الوَدُودَ وَيَألفـَهْ
تَنسَابُ مِنْ فـِىِّ اليـَرَاع رَوَائِعُـهْ
فتُذِيبَ مِنْ فرْطِ الرُّوَاءِ مَرَاشِفـَـهْ
تأريخُهُ لِلشامِخيـنَ عَلامَـــــةٌ
أنَّ الشمُـوخَ سَجيـَّةٌ لا تُخلِفـَـهْ
فَيُشنـِّـفُ الآذانَ ثـُمَّ يَصُفـَّهُـمْ
عَلمَ الهدَايـَةِ و " العقيلُ " يُرَفرفـَهْ
مَنْ صَاحَبَ الأطهَارَ يَعْـرفُ سِرَّهُمْ
وَيَرُدَّ تدْليـسَ الحَقـُودِ وَيَكْشِفـَهْ
تَتَوَسَّـمُ الأخـلاقُ فيهِ مُرَادَهـَـا
فيُعيرُهَـا مِنْ دُونِ مَنٍّ مِعْطفـَـهْ
قالوا بأنَّ مَـن اسْتشـَرتَ المُؤتمَنْ
وَكَذا " العقيـلُ " إذا أرَدت المَعْرفَةْ
جَابَ البَسِيطـَـةَ لـمْ يَحُـدَّ مُرَادَهُ
هِـرَمٌ وَلا مَرَضٌ عَنِيـدٌ أضْعَفَـهْ
فَرَعَتْ بأبْـرَاج الحَيـَـاةِ بنَايَتـَهْ
شَمـَّاءَ تَنْهَضُ بالوُجـُودِ تُشَرِّفـَهْ
يَا مَجْمَعَ البَحْرَيـْنِ عِلمٌ طاعـَـةٌ
وَعَطـَاءُ رَبِّىَ ليْسَ فـَرْدٌ يُوقِفَـهْ
يُنبيكَ قلبيَ عَنْ حَقِيقةِ مَقصِــدِى
يَا مُفرحَ المَحْزُون دَمْعـًـا كَفكِفَهْ
هَذِى وُرُودُكَ غَضـَّـةٌ فِي غُصْنِنَا
وَنَسَائِـمٌ تَهْفـُو لأخْـرَى مُرْهَفَهْ
يَا دَعْـوَةَ الإخْـوَانِ قلبُـكِ نابضٌ
مَا دُمْتِ للـرُّوادِ دَوْمـًـا مُنْصِفَهْ

الأحد، 3 أبريل 2011

... الحلم لسه كبير يا بكره ...

من بعد ما هديت كل الجيوش جوه الميدان ما تيجوا نحسب كام شهيد ... عاشوا واللي ماتوا كام جبان ؟!! والدم جامد في الوريد .

فيه كام مبارك مش مبارك وسطنا ! فيه كام نظام من غير نظام بيضلنا ! فيه كام هدف بيمد إيده يشدنا ! وإحنا هنا بنقول خلاص .. الثورة كانت حلمنا ... وده مش صحيح الثورة مش إنك تغير زيد بعمرو الثورة مش طبال وزمر الثورة دم وحلم جيل ... حالف يجيب المستحيل الثورة كوبري للحياة ميهمهوش ضيق الطريق المهم إن الولاد يلقوا شط بدون غريق

الحلم لسه كبير يا قلبي ... أوعى تتعب م الجروح واحضن أمبارح بيومك ... واصنع المركب يا صاحبي زى نوح خلى كل الناس تنكت أو تهزر بكره ييجى اليوم ونفهم كلنا من غير شروح إن دم الشهدا حي وانك أنت جاى جاى ... نور وضى

بس قلبي لسه خايف م الكابوس والكابوس بيجينى دايما إني مقطوع اللسان والشهيد جوه الميدان جاى يسأل انتصرتوا واللا لأ ؟! وأما شاف إن الكلام بنزقه زق قال حرام تخربوا بيتكم بأيدكم ... هي دى قيمتي ما بينكم ؟!

ده أمي لسه بتبكى دم صرخة حلم وصرخة هم ... كنت خارج في المظاهرة ... صوتها خارج بينادينى خايفة بكره م المخاطرة ... يا بني يا زهرة سنينى ده أنت عندي حلم عمري ... فيه كتير غيرك يا نضرى هيه يعنى مصر خلصت إلا منك ؟؟؟!!!!!!!!!

شكله فاجر والرصاص عنده ببلاش .

وحياة غلاوة أمك بلاش وانكفيت على أيدها أبوسها ... متخافيش لو هااعيش مسجون في بلدي يبقى حلمك ضاع مفيش إنتى عاجبك إني قاعد جنب منك ليل نهار ؟! بكره يامه العيشة حلوة ... بكره مصر تبقى غنوه بكره نضحك من قلوبنا ... بكره عمرانه جيوبنا بكره هنصد التتار . بكره نبعت كسوة الكعبة الجميلة من هنا بكره لو طلبوا المدد ... يلقوا المدد من دمنا بكره أم الدنيا ترجع ... مش كتير على ربنا بكره يامه تبنى حلمك في العمار بكره آخر يوم يا غالية ... إفرحى هتقولى غار

بس أمنتك أمانة ... لو أراد ربى الشهادة تفرحي وتجمعي كل الحبايب والجيران إبنى عمره ما كان جبان ... إبنى راجل ...

إبنى حاجز عند ربه هناك مكان إبنى جوزته حورية في الميدان ... مش عروسة والسلام شفتها ليلة ما جاني في المنام ... بتقول لي يا امه اليوم ده عيد زغردى ياام الشهيد كله ميت ... لكن ابنك لما جانا أتولد هنا من جديد روحه طاهرة ... أصله مات وسط المظاهرة

ولقيتنى محتار في الجواب والشهيد بيعيد سؤاله بالعتاب

انتصرتوا واللا لأ ؟!! وانكسفت من الإجابة لسه بنصارع في روحنا ... لسه بنزود جروحنا والحسابات القديمة ... واللي كان ضدك يا صاحبي ... اللي شوه يوم خروجك اللي قال إنك مخرب ... بيقول دى ثورة كات عظيمة

وانه شارك في القرار ... وانه خطط فئ المكان

وانه كان وسط الميدان وانه حرك كل حاجة ابن القديمة . والفتاوى والبلاوى ... والى خطط واللي ناوي ... كله بينقط يا صاحبي ... أمال إيه ما الكل غاوي

يعنى سلمتم دمانا للضياع ؟! واللي شاري عندكم زى اللي باع !! والله انتوا الخسرانين لأ يا صاحبي أوعى تحزن ... ده انتوا رجعتوا السنين إنتوا أمنتوا اللي خايف ... شبعتوا كل المحرومين كسرتوا جدران الشفايف والسنان ... واللسان مبقاش سجين إدونا فرصة نلضم الإبرة برموشنا ... نغزل التوب الجميل كله لسه مش مصدق إننا حققنا ثورة والله كله مش مصدق ... النور شلناهم إحنا بالمناورة

جبنا بكره قبل بكره ... كله تايه كله خايف ييجى فرعون من جديد .. جايب ابنه أو عصابته والوطن يرجع عبيد . شكلك أهبل يا البعيد !!!!!!!!! أنت مش دقت الحلاوة باللسان ؟!!

هيه فركة كعب توصل للميدان

قول لكل الشعب يجمع للتمام

وأما تلقى الكل حاضر ... بلغ أمي تبقى حاضرة في المكان قول لها حان الأوان. وإني مستنى قدومها ... نفسي أبوسها... نفسي أدارى ف هدومها نفسي تفرح زى فرحى ... نفسي أداوى لها ف جرحى بعد موتى

نفسي أقول وبأعلى صوتي : إن حتى الجنة عندي بدون وجودها متساويش يامه أمنتك أمانة ................. متغيبيش

17 / 3 / 2011

هيه دى كلمة عرب



افتح الكراس وسمى يا تاريخ باسم الإله علم الاولاد فى حجرك يعنى إيه كلمة حياة شد خط وحط نقطة وابدأ الدرس الجديد عنوانه بالبنط العريض يعنى إيه كلمة عرب يعنى راس جنب السحاب يعنى فاتورة حساب للطغاة وقت الغضب هيه دى كلمة عرب


يعنى طير فارد جناحه يعنى جيش مالك سلاحه صفحة بيضا والحدود ملغية فيها يعنى شعب بطاقته سارية م المحيط لما الخليج يعنى لقمة تكفى عيلة أو قماش يعمل نسيج


اقلب الصفحة وعلم صح فوق كل الشعوب كله صابر كله كان سهران يذاكر كله قلب فى الدفاتر


شاف عرابى والخديوى شاف جميلة والجزائرى فى الجزائر والعظم كان بيحب سوريا شاف عمر فى قلب ليبيا شاف إيدينا لما هدت خط بارليف ع العساكر شاف سليمان بن خاطر أو بو عزيزى لما طفى النار فى تونس شاف حسن البنا قام يبنى الضمائر شاف شبابنا اللى كان الشعلة فى ثورة يناير شاف هنية شاف ياسين شاف إيديكى الطيبين ع العرب والمسلمين


شاف علم للوحدة نايم كله متقسم غنايم كله فاطر لما كان الحب صايم واجتمعنا فى الفصول هيه نفس التختة والدكة القديمة ع الجدار صورة لمارد كل أعضاؤه سليمة بس طرف الصورة متنى والجدار بيقول ياريتنى كنت عارف بالرجوع


واللا اقول لك مش مهم إنى ابقى عارف المهم إن انتوا جبتوا م النهاية تونس الخضراء البداية مصر والبحرين حكاية واليمن تحضن فى سوريا والولاد بيجيبوا ليبيا م الجبان طب كنتوا هاتوا معاكوا حتة م السودان أو كنتوا جمعتم اخواتكم فى العراق وأختكم فى القدس برضه ليه ما جتشى لساها بتصد القذايف والأباتشى واللى خلف قالوا عمره فى يوم ما ماتشى


ألف حمد الله يا دولة ع السلامة والقرار بعد المداولة كان علامة شبكوا إيدكم فى حضنى رددوا أحلى نشيد من جديد الوحدة راجعة من جديد تجمع العيلة قريب أو بعيد أمة واحدة يعطس الراجل شمالها شمته صاحبه اللى قاعد فى الجنوب


ارفع الأعلام وحيى يا تاريخ كل الولاد اللى كانوا فى الميعاد علم الدنيا بحالها إننا إحنا الوطن من قبل ما يكون الوطن إحنا كنا إحنا جينا وبإيدينا إحنا هنكون اللى جاى قلب واحد كلمة واحدة زى واحد عملة واحدة ثورة واحدة رجعت فرح البلاد والمهر كان الدم أغلى م الدهب هيه دى كلمة عروبة هيه دى كلمة عرب


30 / 3 / 2011

الخميس، 10 مارس 2011

ارحل بقى .....


قلبي على حلم الولاد
لحظة ما بيسابقوا القمر
ويكسروا كل الحواجز ...
والحدود ...
دايبة على كف البشر .
مارد وثائر على الفانوس
بيجيب من الغيب القدر .
الله على لون الغضب
لو كنت جنبي وشفتهم ...
عمرك ما تعرف إيه ملامحك وسطهم
الصوت على رووس الجبال ...
وسط الشوارع والبيوت
صوت الشيوخ ... حتى العيال
يمحى الشقي ....
ارحل بقى .
ما خلاص كسرنا الشرنقة
وخرجنا م القمقم ...
جمعنا كل عيدانك الناشفة
رميناها جوه المحرقة
ارحل بقى .
شعر العيال شايب
حتى الرجال لو يضحكوا
يستغربوا .. ويقولوا يمكن خير
والضحك متعايب .
والفرحة فستانها هنا
من بختنا ..
جوه الهموم دايب
وما عدش غير ...
حبة هدوم متفرقة

ارحل بقى
العنف إنت اللي ابتديته من زمان
واللا انت ناسي البرلمان ؟!
لحظة ما قطعتوا اللسان
انت اللي خرجت السجون
وانت اللي غطيت العيون
علشان ما يحموك السنين
وانت اللي ضيعت الأمان ..
وانت اللي عامل جوه بيتنا مننا ...
مليون سجين ...
بالصولجان .
طب فين رجالك يا أسد ؟!!!!!!
متخفيين زى الفيران
وسابوك ف دولة مخرَّقة
ارحل بقى
لسَّاك مقاوح بعد كل اللي جرى ؟!!!!!!!
الكل باعك ... والشوارع مجزرة
وكلامك الماسخ ... عمال يزغزغ ف الودان
نسمع نقول بلا مسخرة
بتموت وماسك مطرقة !!!
ارحل بقى .
الجمعة 28 / 1 / 2011


أخيرا شفت يوم عيدك ...


*** أخيرا شفت فرعونك بيتنحى وأنا عايش ...
ويركع والشباب واقف ... مطالب شعب مش طايش
وبيغنى الوطن ألحان ...
وأوتاره عيدان القلب لحظة ما النظام ناشذ ...
ومرسومة غيطانك م الورود ألوان ...
ومرصوف الطريق للكل
تعالى بصى م البلكون فى أحلى ميدان
هتلقى شعبك المطحون هنا طالع بألف لسان
يبوس الأرض ما دامت بتتطهر ...
ويحضن وردك الدبلان . يقول له بكره هتنور
ملامح شعب بيكبر وبيحرر بلد مسجون
ويعلن فرحته بيكى ...
وساعة الأزمة يحميكى
عنيهم تحضن الأوطان ...
ملانة خير يكفيكى ... وعمره ما طمع فيكى
كتير ظنوكى بتموتى ... ما دام ساكته على الطغيان
أتارى صبرك الطوفان
وجمرة نار فى وش اللى سرق أو خان
صحيح الدنيا دوارة ...

وبعد الصبر يا غالية خلاص راحوا فى خرارة
وأنا مذهول بأفعالك
صحيح إنك بتنتفضى ؟!!
خلاص صدقتى وعرفتى ؟!!!
وشبيتى عن الطوق اللى كان منحوس
وبيضا ثورتك يا مصر ...
وسهلة شكة الدبوس
وبـ"الفاسبوك " !!!
يا بنت الإيه !! ياريتنا من زمان بنشك

*** أخيرا شفت عشاقك ... يبيعوا الدنيا فى ثانية
وبيبوسوا فى أعتابك
ومش راضيين ... بأى حوار مع العملا أو التجار
وظالم ... لسه ما شبعشى بكام مليار
خلاص العصمة فى إيديكى وطلقتيه ...
ما كان من بدرى يا غالية كده تبريه
ما دام معيوب ومش نافع تعالجى فيه
ما هوه اللى بنى الأسوار ...
قطع أرحامك الطاهرة مع السودان
وفضى النيل ... من الخير اللى كان أنهار
وجاب العار ...
فتح شريانك الفضى وساب الديب على بغداد ...
خلافة دولة الإسلام ...
وقبل الغرب ما يضحى دبح صدام !!!
وحاصر حلمك الأعزل .. وباع الغاز لإسرائيل
وكان مخلص لأعدائك ...

وقسم ورثك الباقى على الدلاديل

*** أخيرا شفت يوم عيدك ...
وشفتك خارجة فى ثورة ...
وإيد الكل فى إيدك ... وشفتك وإنتى بالطرحة
وفستانك على قدك
عليه حتة بروج ألماظ !!!!!
بيفضح ناسك الفالصوا
يعريهم وربك فى العلا حارسه
وتانى دارت الأيام ...
وأنا با أديكى مصروفك ... وياما خت من إيدك
فمدى الإيد ما تتكسفيش
خدى عمرى أنا عيديه ... وعمر ولادى بعديا
وما يكفيش ...
وعشتى رمز للثوار ...
وراية تحرس الميدان ...
ودام الفرح في عنيكى ... وما يؤمر عليك جبان .

وصدقتك يا محروسة


وقالوا عليك محروسة
وكنت كتير باكدبهم
وأقول لازم أأدبهم
وأوريهم ...
إيدين ظلمك على جيلي
على اللي فات وع اللي جاى
على الأحرار وع المسجون
وجبروته على الأموات وع اللي حي

وأعديهم على سينا وشط العرى آل هوه اللي حامينا
وحامينا حرامينا
وبيقول إنها لينا
ولا جندي ... ولا نقطة
وفين الجيش ؟!!!!!!!!
وأوريهم عيال بايته على الحرمان
ومش لاقيه رغيف العيش !
وعانس نفسها تفرح ولو يبقى الكفن فستان
ودمعة أم بتجرح في خد الكون بلا عنوان
وأعديهم على نهرك ...
فيتوضوا من الطين اللي باقي هناك
وأمشيهم على السكة وأقول شوفوا أمين شرطة
بيتحكم ولا الريس
وضباطنا إيدين فرطه
وأهلك ماتوا بالسكتة وبالدوسة
وقالوا عليك محروسة
ولسه هأقول ... وأوريهم ... وأعديهم
لقيتك واقفة إيد واحدة
تجيبي الفجر م الضلمة
ومتواعدة
هتافك طمن الخايفين
بصوت واحد مبيخافشى
بأن الظلم ده يمشى
ويتنحى ما يحكمشى
شبابك زود العشاق هنا مليون
ورجع لي سنين عمري وخلاني أنا المجنون
عشان قلت الشباب هايف
ومش شاغل دماغه بمصر
وصدقتك يا محروسة
ولادك ما يخافوش الموت
وخطابك يا بنت بنوت
بيتمنوا رضا قلبك
ومهرك ...
ندفعه بالروح وبالدم اللي من خيرك جرى أنهار
وأنا واقف ونار الغيرة بتمزع شراييني
بتحيينى
فأدعيلهم ... وأقول يارب تنصرهم
على الظالم وع الطغيان
وأخاف لحظة ما يوعدهم ... ويخدعهم
يسيبوا الصبح في الميدان
يتيم أخضر ولا شايف ولا سامع ... بيتألم
وأحذرهم ... بأي ضمان هنتراجع ؟!
ونستسلم .
فألاقيهم على قدك وقد الحلم
ولون النصر في عنيهم
وعزم الدنيا ماليهم
يكفى شعبك المطحون
... وماتوا لأجل ما تعيشي
فيسألهم ملاك الموت على حالك
فيبتسموا...
يقولوا قايمة تتوضآ
وتلبس للصلاة إحرام
لفرض جديد وعهد جديد
بتنفض إيدها من فرعون وترمى جمرة الأصنام
وبتكبر في يوم العيد
فيتبسم ...
ويرجع لك بأمر الله يصبر قلبك المكلوم على الشهدا
ولادك جنب عرش الله
فمتخافيش ...
بيتمنوا لو الأيام ترجعهم ...
يموتوا تانى يا غالية و مصر تعيش
... وصدقتك يا محروسة ...
عرفت بأنك أنت الأم
وقلب كبير مجمعنا بيمحى الهم
وإنك للمنى آية
ياريتك كنت ويايا
وشفتي النور على وشوشهم
وشفتي الصبح في صدورهم
ما هو انتى اللي رميتي البذرة في جدورهم
وكنت الضل والمية
بنفطر عز يا قلبي ونتعشى بحرية
... ووردك ... ما خلف وعده
وفاق الحصر ... وفوق الوصف
ورجع لك ربيع عمرك يا أجمل مصر
وجاب العز من عين اللي ذلوك وذلوني
وباعوك وباعوني
وفضحوكى في يوم النصر
... لأول مرة بنغنى نشيدنا بشوق
وكل أما نقول بلدي بنعلي لفوق
ويغلى الدم في عروقي
وأحسك شمس لشروقي
وقمره تحرس السهران في أحلى ميدان
ميدانك عرس الشهدا ...
ميدانك قبر للعملا ...
ميدانك اسمه حرية عشان مانعيش سواسية
وحتى لو فضل تحرير ... هتفضل ثورتي عنوان
على الجبروت على الطغيان
أنا المصري ...
أنا الإنسان .

السبت، 26 فبراير 2011

أخيرا شفت يوم عيدك ...


أخيرا شفت فرعونك بيتنحى وأنا عايش ...
ويركع والشباب واقف ... مطالب شعب مش طايش
وبيغنى الوطن ألحان ...
وأوتاره عيدان القلب لحظة ما النظام ناشذ ...
ومرسومة غيطانك م الورود ألوان ...
ومرصوف الطريق للكل
تعالى بصى م البلكون فى أحلى ميدان
هتلقى شعبك المطحون هنا طالع بألف لسان
يبوس الأرض ما دامت بتتطهر ...
ويحضن وردك الدبلان . يقول له بكره هتنور
ملامح شعب بيكبر وبيحرر بلد مسجون
ويعلن فرحته بيكى ...
وساعة الأزمة يحميكى
عنيهم تحضن الأوطان ...
ملانة خير يكفيكى ... وعمره ما طمع فيكى
كتير ظنوكى بتموتى ... ما دام ساكته على الطغيان
أتارى صبرك الطوفان
وجمرة نار فى وش اللى سرق أو خان
صحيح الدنيا دوارة ... وبعد الصبر يا غالية خلاص راحوا فى خرارة
وأنا مذهول بأفعالك
صحيح إنك بتنتفضى ؟!!
خلاص صدقتى وعرفتى ؟!!!
وشبيتى عن الطوق اللى كان منحوس
وبيضا ثورتك يا مصر ...
وسهلة شكة الدبوس
وبـ"الفاسبوك " !!!
يا بنت الإيه !! ياريتنا من زمان بنشك
أخيرا شفت عشاقك ... يبيعوا الدنيا فى ثانية
وبيبوسوا فى أعتابك
ومش راضيين ... بأى حوار مع العملا أو التجار
وظالم ... لسه ما شبعشى بكام مليار
خلاص العصمة فى إيديكى وطلقتيه ...
ما كان من بدرى يا غالية كده تبريه
ما دام معيوب ومش نافع تعالجى فيه
ما هوه اللى بنى الأسوار ...
قطع أرحامك الطاهرة مع السودان
وفضى النيل ... من الخير اللى كان أنهار
وجاب العار ...
فتح شريانك الفضى وساب الديب على بغداد ...
خلافة دولة الإسلام ...
وقبل الغرب ما يضحى دبح صدام !!!
وحاصر حلمك الأعزل .. وباع الغاز لإسرائيل
وكان مخلص لأعدائك ... وقسم ورثك الباقى على الدلاديل
أخيرا شفت يوم عيدك ...
وشفتك خارجة فى ثورة ...
وإيد الكل فى إيدك ... وشفتم وإنتى بالترحة
وفستانك على قدك
عليه حتة بروج ألماظ !!!!!
بيفضح ناسك الفالصوا
يعريهم وربك فى العلا حارسه
وتانى دارت الأيام ...
وأنا با أديكى مصروفك ... وياما خت من إيدك
فمدى الإيد ما تتكسفيش
خدى عمرى أنا عيديه ... وعمر ولادى بعديا
وما يكفيش ...
وعشتى رمز للثوار

وراية تحرس الميدان

ودام الفرح فى عينيكى

وما يؤمر عليكى جبان

الأربعاء، 2 فبراير 2011



حدوتة ما قبل الحكم

نـَمْ هَادِئـًـا مُطمَئِنـًـا أيُّهـَـــا الوَلـَـــــدُ
إنـِّـى هَدَيْتــُـــكَ شَعْبـًــا لَيْـسَ يَتَّحـــِـــــــدُ

إنِّى الخَبيرُ بتَرْويضِ الشُّعـُـــوبِ إذا
مَا نـَـــدَّ فــَــرْدٌ أتَانـِـى الكـُـــلُّ يَرْتَعــِــــــدُ

دَعْ عَنْكَ خَوْفكَ وَالْق الكـُـلَّ مُبْتَسِمـًا
إنَّ المُلـُــوكَ عَلى التَّخـْويـــفِ تَعْتَمـِـــــــدُ

نَمْ لا تَخَافُ مِنَ الإصْبــَـاح ثَائــِـــــرَةً
إنَّ الشُّعــُـــوبَ عَلى أوْجَاعِهــِـــــمْ رَقَدُوا

تَلْتَفُّ مِنْ حَوْلِهــِــمْ أحْبــَـــالُ مِشْنَقـَةٍ
يَسْتَعـْـذِبُ المـَـــوْتَ مَنْ لِلْمَوْتِ قَـدْ وُلِدُوا

هَلْ بَعْدَ أنَّ الهَـوَا لِلنـَّــــــاس نَشْريــهِ
تَخْشَى الجُمُوعَ ؟! أمَا لِلظُّلمِ قَدْ سَجَـدُوا !

لا يَفْزَعَنَّكَ أنْ " تُونُسْ " بهَا غَضَبٌ
فالنَّاسُ فِى مُلْكِنــَــــا لا قلـْـــبُ لا جَسـَـــدُ

المَاءُ مِنْ تَحْتِنــَــا يَجـْـــرى بأعْيُنِنـَــا
وَالشَّمـْـــسُ مِـنْ أمـْــرنَا تَدْنــُــو وَتَبْتَعـِـدُ

كُرْسِيـُّـكَ الغـّـــرُّ إنـِّـى الآنَ أصْنَعـُــــهُ
فاهْنَأ صَغيــــــــــرىَ فالتَّوْريـــثُ مُلْتَحَـــدُ

حَدُّوتـَـــةُ النـَّـوْم أنْتَ الآنَ تَسْمَعُهـَــا
لا تَنـْـــس أنْ تَحْكِهــَـــا يَوْمـًـــا لِمـَـنْ تَلـِدُ

22 / 1 / 2011

... ارحل بقى ..................................................




ارحل بقى .....
قلبي على حلم البلاد
لحظة ما بيسابقوا القمر
ويكسروا كل الحواجز ...
والحدود ...
دايبة على كف البشر .
مارد وثائر على الفانوس
بيجيب من الغيب القدر .
الله على لون الغضب
لو كنت جنبي وشفتهم ...
عمرك ما تعرف إيه ملامحك وسطهم
الصوت على رووس الجبال ...
وسط الشوارع والبيوت
صوت الشيوخ ... حتى العيال
يمحى الشقي ....
ارحل بقى .
ما خلاص كسرنا الشرنقة
وخرجنا م القمقم ...
جمعنا كل عيدانك الناشفة
رميناها جوه المحرقة
ارحل بقى .
شعر العيال شايب
حتى الرجال لو يضحكوا
يستغربوا .. ويقولوا يمكن خير
والضحك متعايب .
والفرحة فستانها هنا
من بختنا ..
جوه الهموم دايب
وما عدش غير ...
حبة هدوم متفرقة
ارحل بقى
العنف إنت اللي ابتديته من زمان
واللا انت ناسي البرلمان ؟!
لحظة ما قطعتوا اللسان
انت اللي خرجت السجون
وانت اللي غطيت العيون
علشان ما يحموك السنين
وانت اللي ضيعت الأمان ..
وانت اللي عامل جوه بيتنا مننا ...
مليون سجين ...
بالصولجان .
طب فين رجالك يا أسد ؟!!!!!!
متخفيين زى الفيران
وسابوك ف دولة مخرَّقة
ارحل بقى
لسَّاك مقاوح بعد كل اللي جرى ؟!!!!!!!
الكل باعك ... والشوارع مجزرة
وكلامك الماسخ ... عمال يزغزغ ف الودان
نسمع نقول بلا مسخرة
ميت وماسك مطرقة !!!
ارحل بقى .
الجمعة 28 / 1 / 2011



الخميس، 13 يناير 2011

اشتى وخلى الدنيا تفوق


weghtn@yahoo.com


اشتى وخلى الدنيا تفوق ...
اشتى وخلى الجو يروق ...
رخى فـ مره ... جوه وبره
طول أيامنا بتشتى لفوق
عاجبك حالنا اللى محيرنا ؟
واللا الليل اللى ممسينا ومصبحنا ؟
شمسك ليه بتحب العتمه ؟!!
من كام سنه بنغنى يا سالمه ..
روحنا وجينا ...
وفقر الدنيا بيحضن فينا
هوه مفيش للضلمه شروق ؟!!
اشتى وخلى الدنيا تفوق
اشتى وخلى القلب نضيف ..
اشتى غموسك ...
طول العمر معايا رغيف ..
بااحلم بالأكل اللى يغذى
يمنع عنى البرد فى ليلك ..
أو يحمينى فـ شمس الصيف ..
قلبى شراقى وكله شقوق ..
حلوه اللمه على الطبليه ..
بس بشرط القلب يدوق ..
اشتى وخلى الدنيا تفوق ....

الأحد، 4 يوليو 2010

عـذراً رســـــول الله.....

في سورة " الإسرا " أتت ذكـــراك
وترسمت سحب السماء خطــــاك
من حرمـة البـيت العتيــــــــق بداية
وإلى ربوع القدس كان ســـــراك
اصــعد رســول الله أنت مقــــــــرب
والكل في شـوق إلى رؤيــــــــاك
الرســـل والملك الأميــــــــن معايـن
لجلال قدرك عــــــــــز من أولاك
لك عند رب العـــــرش أسمى منزلا
حاشا لجبريل اللحــــــــــوق بذاك
فدع الأميـــــــــــن فلا يطيق حراكاً
وأريت مــــن آي الإلـــــه توابعــــاً
وكذا يكــــون الفضل من مولاك
الله أكبـــــــــــــــــــر قوة من ظالم
أو حاقد ومدبر عــــــــــــــــاداك
ظنـــــوك تخشى بأسهــم أو تنثني
للمال أو للجاه 0 كــــــم أغراك
فضربت أروع مشهـــد من ثابـــت
وأ بيـــــــت إلا أن تصون حماك
وطرقت أرضــــــاً علها أن تهتدي
وبقيــــت وحدك 0 ما أشد قواك
أغروا بك السفهــاء يا لغبائهم !
فرفعت للبـــــــارى الشكاة هناك
وأتى المـــــلاك لطوع أمرك حينها
عفواً أتى فعل الكريـــــــــم كذاك
وحلمــــت عن لغط العداة وجهلهم
من بعد ما دميت بهم قدمـــــــاك
فأجاءك الملك الأميــــــــــن بشارة
وضيافــة الرحمـــــــن قد أهداك
وإذا ربوع الأرض ضـاقت بالهدى
فالرســل قد صفوا رضــاً بهداك
بشريعة الإســـــــــلام أنت إمامهم
فإذا النجوم تظلهن سمـــــــــاك
الله أكبـــــــــــــــر ياحبيبى فافتخر
بجوار ربــك جــل من نــــــاداك
عذراً رســـــــــــول الله ضلت أمة
غفلت عن المسرى وعن ذكراك
وتذللت للمشركيــــــــن عداتهــــا
واستعذبت تشريــــد من يهـواك
حادت عن المعنى الصحيح لعزها
وتنازلت فتمزقـــــت أملاكــــــــا
أتــــراك تقبـــــــل عذرنا ياسيدى
أم أن جــــرم القوم قد أدمـــــاك
قلبي لك المهـــد الوثيــــــــر ألنته
فهنــــاؤه ما كان فيــــه هنـــاك
صدقاً عقدنـــــــا العزم أن لاننثنى
ونذوق محراب الصــــلاة هناك
ولســوف نفدى قدسنــــــا بدمائنا
ونقول وفينا رسول الله فداك
من بايع الله العزيـــــــــز ثوابه
نيل الشهادة سعيه مسعــــاك
إنا عقدنا للكفــــــــــــــــاح لواءنا
من فوق أيدينا فضع يمنـــاك
واجعل شفاعتكم غداً مـــن حظنـا
عهداً رسول الله لن ننســــاك

الخميس، 24 يونيو 2010

والله يا اسطي الفجر بان



weghtn@yahoo.com

سيبك من اللي هدمته بتخبى عنوانه

خليه مفكر إننا راضيين بأوهامه

عايش فـ دور العنطزة ومفكر القيمة ...

فـ اللبس واللا فـ الغنى

ولا فـ شهادة ف البلد وما عاد لها قيمة

وان مرة قابلك .

بيحط إيده فـ الجيوب

خايف يسلم ...

يبقى ذنب وبعدها لزمن يتوب

لابس قناع إنه غنى ...

وان العلام خلاه نبي !!!!

ياريت تصدق إنك إنت اللي نبي

وآدى الدليل ...

مش برضه مولانا النبى كات مهنته راعى ؟!

وداود خبير علم الحديد للقوة بيراعي ؟!

أما سفينة نوح بتكمل المشوار

وتوضح اللي نعرفه ...

إن النبي نجار ..

يبقى إنت راسك فـ السما ...

عالية ما تخجلش

ركز وشوف كل البلد ...

إنت اللي بانيها

إنت اللي شقيت الترع

و إنت اللي فرعت الفروع

عشان ولادنا يعرفوا

يعنى إيه كلمة شبع ... ولا يوم نجوع ..
و إنت اللي خيطت الأمل

لما الأمل مقطوع ...

و إنت اللي جمدت الحديد من قوتك

وان مرة بتقوله يطاوع ...

ينتني ... من كلمتك

إنت اللي حاسس بالمكن

و إنت اللي دايس ع المحن

ولا عمرها اتمدت إيديك

وف قصعتك ...

عرق الجبين شوربة تحط اللقمة

وتسقى ...

تطعم ولادك بالشرف ..

ع العفة وتسمى .

الله على طعم التعب ...

لما إنت داخل دولتك

ياخدوا بإيدك ...

يغسلولك هدمتك

وأم العيال بتدلك الرجل اللي تعبت م الوقوف ...

والبيت صفوف ...

بيقول له ليه مالك حزين ؟!

ويقول لهم :

: كل اللي جبته باليمين

طلعوا عليه حبة ديابة فـ سكتي

رافضين أعيشها فرحتي

بيطاردوا حلمي ليل نهار ...

آل إيه ضرائب أو فاتورة كهربا

والغاز و مية ملهلبة

والتأمينات من حقهم ...

وكإنى خدام عندهم ..

وأم العيال بتصبره...

هانت وبكره ها افكرك

ده نور الصبح متوضى

بانت بشايره ووسط الشق بيخطى

يعنى اللي صبرنا السنين ...

ما يزقهاش شهرين كمان ؟!!!!

والله يا أسطى الفجر بان

والكل مستني الأذان

قوم بس ريح جتتك ...

وأنا بعد ساعة ها أبشرك

هتروح وتفتح ورشتك ...

ده الرزق كله فـ صحتك

سلمها لله والنبي ...

ده انت اللى علمت الولاد هدى النبى

إن المصايب لو تزيد

يبقى الفرج قرب أكيد

والفرح خبط ع البيبان

والله يا اسطى الفجر بان

والكل مستنى الأذان

وده من زمان .........................

من علمك ؟!
من علمك ؟
أن تهجر العش الأمين غباوة
كى تمتلك ...
جحراً هلك ؟!!
من علمك ؟
أن ترفع الرأس الذليل تجبراً وتكبراً ..
أفما استحيت ؟!! وأنت من فقر له
مدت يدك ؟؟!!
من علمك ؟!
أن تنكر الفضل العظيم لأهله ؟!
من غررك ؟
هل تدعى أن الإله بمنه وبحلمه
قد أطمعك ؟!
حاشى لربى أن يعينك ظالماً
فبحكمة قد مكنك
ولحكمة قد أمهلك
من علمك ؟!
أن تدعى ملك البلاد وأهلها ؟
فلأنت ملك للذي قد صورك
من طينة قد أوجدك ...
وعلى طبيعة خلقه قد ركبك
وبعلمه أعطاك حكم المملكة
واستعملك ....
وبعدله سيريك آي التهلكة
وسينزعك ....
من أخبرك ...
أن السكوت طبيعة فيمن سكت ؟
من أخبرك ...
أن اللسان لحيمة من جسمنا قد قطعت ؟
من أوهمك ...
أن تحبس الأنفاس ملء صدورنا ؟
أن تحسب الأفكار في أفهامنا ؟
أن تعتقد وأد البنين سيمنعك ؟
أو يعتقل فينا المروءة مرضعك ؟
ما أضعفك !!!
ما أوهمك ؟
من علمك ....
شدو الغراب بمأتم ؟!
وصلاة خوف جامعة
والميت المحروم ...
عياله .. تبكى الحقوق الضائعة ....
أفما سمعت أنينهم ؟
أفما رأيت مصابهم ؟!
سدت مسامعك التي ما أبصرت
آلاف نفس دون ذنب يتمت
آلاف نفس في بحارك أغرقت
ونساؤهم قد رملت
وشبابهم قد أدمنت
وبناتهم قد تنتهك
ما أظلمك !!
صدق الذي نطق الصواب ليوصفك
سمن ربيبك يأكلك
من علمك ؟..
تعكير صفوي حين ألمح سحنتك
إيذاء سمعي ... كل يوم أسمعك !!!
ماذا تقول لخالقك إذ يسألك
من جندك ؟!
لتكون من أذياله
وتصير طوع إشارة من أمره
اجلس هنا .... حاضر نعم
يا عبدنا .... نعم نعم
أزعجتنا .... هس انكتم
ما أطوعك!
ما أبدعك!!
من ألبسك
تاج المهانة خدعة
وبلحظة ...
قد يركلك
لو ما قد فهمت مقالتي
وكعادتك ....
دعنى أعلمك الحقيقة فاستمع ..
أرواحنا ملك لنا
لن نسترق
وأمام رب العرش ... لا
كلا ... ولا... لن نسترك
سيذوب جلدك حينها ...
وبقدرة .....
سيعود جلدك يحترق
هل ترتدع ؟؟؟
هيا استمع ...
ستعاين الأهوال حين وقوعها
فترى الشموس تغيرت
وتكورت ...
وترى بحاراً فجرت ..
بل أخرجت
غرقى السفينة ...
عند ربى تطلبك ..
وتحاسبك
من ينقذك ؟؟؟!!!
وترى عروشاً زلزلت ......
أما القصور تصدعت ...
وبناتك اللاتي سعيت لحكمهم ...
وعلى رقاب الخلق قد أجلستهم ...
ستفر حين تعاينك ...
لن تعرفك
من يرحمك ؟؟!!
هل تمتلك ؟؟!!
هل تمتلك لغة الإجابة حينها ...
لو قد سئلت ....
من الملك ؟؟؟؟!!!!

الأحد، 25 أبريل 2010

انتحار شاعر ... أو دعوني أحتسى حبرًا



... وممزوجـًا بكأس من عصير الحبر لحظتها

شربت السم في حظي

وساعتها ...

نطقت شهادتي دمعـًا

يحمم سطر إيماني

فينقذ من لظى أشعاري الثكلى

... بقايا طفل أحلامي

فيغفو هادئـًا لفظي

ورغم الجدب في شريان محبرتي

سقوني مصل أحلام وآمالٍ

وقالوا الشعر يحييني

ومعذرة ...

حياتي لن تقلل من عداد الموت مقبرة

دعوني أحتسى حبرًا

أفجر كل أوراقي على صدري

وسيف قصيدتي يمضى على نحري ليرحمني

ولما لم يزل حظي يلاحقني

فمن حزن إلى هم

ومن غم إلى حزن

غرست يراعى المسكين في قلبي

فسالت حمرة الأحبار من حولي تعاتبني ..

وتسعفني ..............

تلفظ بالذي ينجى

فقلت : الله أكبر من أفاعي الشعر في بلدي

وأشهد أنني جذر ..

إذا لم ينم في الدنيا ..

فدود الأرض يرحمه .. ويتركه

يغذى الحرف بالترب

ويسقيه بحور الفرح منتشيـًا

ليمضى وهو مفتخر ..

وساعتها .. سيعلنها

أنا شاعر .................... ومنتحر

21 / 4 / 2010



الاثنين، 19 أبريل 2010

اشتى وخلى الدنيا تفوق




اشتى وخلى الدنيا تفوق ...


اشتى وخلى الجو يروق ...


رخى فـ مره ... جوه وبره


طول أيامنا بتشتى لفوق


عاجبك حالنا اللى محيرنا ؟


واللا الليل اللى ممسينا ومصبحنا ؟


شمسك ليه بتحب العتمه ؟!!


من كام سنه بنغنى يا سالمه ..


روحنا وجينا ...


وفقر الدنيا بيحضن فينا


هوه مفيش للضلمه شروق ؟!!


اشتى وخلى الدنيا تفوق


اشتى وخلى القلب نضيف ..


اشتى غموسك ...


طول العمر معايا رغيف ..


بااحلم بالأكل اللى يغذى


يمنع عنى البرد فى ليلك ..


أو يحمينى فـ شمس الصيف ..


قلبى شراقى وكله شقوق ..


اشتى وخلى الدنيا تفوق ...


اشتى حنانك ...


يمحى قساوة قلب الكون ..


خلى الرحمه تعيد الرحمه ..


بين الاخوات وده مهما يكون ..


حلوه اللمه ع الطبليه ..


بس بشرط القلب يدوق ..


اشتى وخلى الدنيا تفوق ......









الأحد، 7 فبراير 2010

إلى معشوقتى القدس بعنوان " قدسية "

كالأم تحتضن الوليد عرفتها

كالماء يحفظ لي الحياة عشقتها

حلمي وحملي في الدروب .. حملتها

قدسية .. عربية

وقضية أنى اتجهت وجدتها

هي توبة من حوبة .. بل قطعة من جنة

هي مُسْـلمة..

ومُسَـلمة

لله أمراً قد أريد بأهلها

نفق حُـفر .. شعب قُـبر

قرد يدنس أرضها

رجل حُــرم أمن الحرم

رباه ما أقسى الألم

حين العفيفة تغتصب في خدرها !!

ما ذنبها ؟! ما جرمها ؟!

كيف ؟ متى ؟

ينصاع للحق المبين رجالها ؟!

ويح الرجال تخاذلوا عن قدسهم

لعقوا النعال وإنها لعزيزة

حين القياس بخبثهم ..

يا قبحهم .. يا عزها

الذل مكتوب لمن أمسى يزعزع أمنها

ياصخرتى .. بل صرختى ..

لهفى عليك مدينتي

لاتجزعى ..

هذى القلوب تعي الحقيقة فاسمعي

( دقات قلبك نبض قلبي

وخطاك خطوي بين دربي )

يا زهرة ..

زهرية ..

أنى لقلبي أن يجوب رياضها

ياقِــبلتى .. بل قُـُـبلتي

كفى الدموع عن الخدود فإنني

مازال بي حلم يراود مهجتي ..

يا مهجتي ..

أن نلتقي

همـَّـت ولكن قلتها لا تنطقى..

لا تشرحى ..

وتشرِّحي يا قدس قلبي فاطمئني

لم أخن يا قدس عهدي ..

لم أبع ..

أرضى ..ولاعرضى .. وما

عاش الفؤاد بدون ذكرك إنك..

روح تلازم دعوتى..

نهر يمد كنانتى ..

صدر يعانق عودتى ..

أم تسامح زلتى ..

يا طاهره ..

ياصابره ..

يامُــؤمنه ..

ومؤمـِّـنه ..

حين الدعاء لمن تكفل نصرتى ..

الجمعة، 22 يناير 2010

عسكرى الشطرنج


دار حوار بين عساكر دار الندوهْ

- تقدم خطوهْ .

- لا . لا يصلحْ .

- ولمَ السببُ ؟!

- ستعرفُ بكْره .

- شكلك مُكْرَه

- لا . بل أملكُ أمرَ الحركهْ ..

فأنا القائد أقفُ أمام الكل ..

ولكنْ .................

جاء الدورُ لأخطوَ أعبرْ

قلتُ أجربْ ..

خطوة تمت ...

نفسى همَّت ...

تنقلُ أخرى

قال اللاعبُ :

قفْ لا تنقل رجلك أكثر

شكلكَ تجهلُ حكمَ اللُّعبهْ ...

مهما امتدت شرقـًا ... غربـًا

طولاً ... عرضـًا ... أرض الرقعهْ ..

كلُّ حدودك أنْ تتحرك نفسُكَ خطوهْ

قلت : أوافق ....

وخرجتُ لجمهور البُقعهْ ...

ورفعتُ الرأسَ أمامَهُمُ ...

أصدرتُ قرارىَ مزْهوًّا

وتحركتُ ... مُجردَ خُطوهْ .









الثلاثاء، 12 يناير 2010

" فضرب بينهم بسور ..."


وقالوا الآن نعزلهم

فلا يبقى لهم أصحاب

فإما الجوع يقتلهم

وإما الناس تنساهم

فلا يلقون أسئلة

ولا نحتاج أجوبة

ولا نبتاع أقنعة

وجودهم يعرى سوأة الأنثى

فيفضحها وإخوتها

ولا يبقى لهن نقاب

وظنوا غلق معبرهم

سيركعهم

سيفنيهم

إذا بالله يغنيهم

يخلصهم

وصار الغلق محض سراب

فقالوا ما لنا بد

لوالينا - أدام الله طلعته -

سنسجد سجدة الأبرار

نقيم جدار بارليف

ونعلى تحته الأسوار

ألا تيهوا بأرض الله شرذمة

بغير إياب

سلام الله يا غزة

وأيم الله لا تخشى

فإن سدوا جهات الأرض أجمعها

لنا أفق

بحبل الحق موصول

له أواب

وإن جدار عزلتهم له أبواب

ستفتح عندما نسعى لنيل طلاب

فباطنه لنا نصر

وظاهره لهن عذاب

الثلاثاء، 29 ديسمبر 2009

إلى أحمد بخيت

إلى أمير الشعراء / أحمد بخيت مع تقديرى واعتزازى
واهً على إمرةِ الأشعــــــــــار تُعتقلُ
عامــــاً من الحزن ظلماً حيثُ لا أملُ

واحرَ قلبى هلْ طاشتْ بصـــــائرهم
حتى استوى فى الميزانِ الهَمْـل والبطلُ

بـــَوْحُ القبـــــــورِ تجلى فَوْرَ مقتلهِ
قدْ كفنـــــوهُ الردئ الزى وارتحلوا

إنْ كانَ هذا الأميرُ نــــــــال مَكرُمةً
فالآخرونَ بحب النــاس قد وَصلوا

الأمـرُ ســار وكل النــــاس ترْتقـبُ
تتويج"أحمد"أو"سارى"هو البدلُ

كيفَ القرارُ بأصوات الشعوب وهلْ
أدمى القصــــــائدَ إلا ذوقُها الوَعِلُ

إن كــانَ أهلكَ قد صَدوكَ يا"أحمد"
فالشعرُ دومـــــــاً له ربٌ هو الأملُ

ترتيــــــــــــلُ نظمكَ باق مثل أمتنا
كالوحى من ربنــا تسْعى بهِ الرسلُ

سيعلمُ الجمــعُ ممن ضم شاطئوهمْ
أن الإمـــــــارةَ حب الناس لا الحيلُ

فاستصغر المــالَ والألقــابَ فى بلدٍ
الهلسُ فى عيشهمْ شيدتْ لهُ الدولُ

إن الذى يقْدرُ الأشعـــــــــارَ قائلُها
أو مستلذ بسحر القـــــــول منشغلُ

من شيدَ الشعرَ أبراجــــــاً يطاولها
عاشَ الشهــــــــادةَ حيناً ثم يرتحلُ

عاقب الله الحريم

عاقب الله الحريم

دربهم درب الجحيم

عشت طول الدهر حلمى .....

أن يزيل الله حملى

أن أرى الكون الجميل ....

ليس يبغى او يميل

حقق اللهم سؤلى .....

واهلك الباغى الرجيم

عاقب الله النساء

دربهم درب الشقاء

فى شبابى صرت أحلم .....

بارتباط فى هناء

ثم ضاع العمر منى فى عناء ..

قل غباء

عشت طول العمر أجرى .....

طالباً فى الناس أجرى

كى أوفر لليتامى مسكناً فيه الغذاء

ثم إن عدت لبيتى ....

ولولت .... صاحت وناحت

أنت لاتدرى بأمرى ...

أنت تخرج فى صباحك

لا تعد إلا المساء .

قلت ياسجان صبراً

قد قضيت اليوم هماً

كم أريد الآن أماً ...

ليتنى ما عدت بيتى

لا أريد الآن إلا .....

لحظة فيها ارتخاء

قلت يانور العيون ....

لا تزيدى من شجونى

ولولت .....

ناحت وصاحت

قاتل الله العيون ...

ما حوت إلا الظنون

قلت صبراً

لاتزيدى من صراخ أو وعيد

فبرب الناس أقسم ....

بل وبالله المجيد

من غد أحيا ببيتى ... لا يفارقنى البقاء

فاستكانت ..

قل دقائق بل ثوان بالتمام

ثم صاحت ملء وجهى

فى هجوم بالكلام ...

من سيطعمنا يا سبعى ؟؟؟!!!

قلت سبعك !!!!

أنت سبعى

فى رضاكى ضاع عمرى

هكذا شتت أمرى .....

كى ألملم ما تبقى من أحاسيس الحطام

قد أضأت العمر شمعاً

بل كذبت ...

لم أر المعروف يوماً ...

قلت يارباه عفوك

هكذا قد جاء شرعك

إن أسأت اليوم مرة

لن أجد إلا الملام !!!


السبت، 19 ديسمبر 2009

البيت مش بيتك



تعليقًا على موضوع الضرائب العقارية

ده حرام عليكى بيتى ملكى ... تملكيه
ده حرام عليكى شغل عمرى أو شقايا ... تسرقيه

بتقولى حقك .. والحق عمره ما يتنسيش

يا خى كسر حقك ...

إنتى إيه ما بتشبعيش ؟؟!!!

ختى عمرى ومات أبويا ..

وختى منى لما سابك برضه اخويا ..

ختى فرحى .... وعز طرحى ..

طب فكرينى انا خت إيه ؟!!

يبقى ضهرى اللى انكسر ..

أيام قضيتها فى السفر ..

عشان اوفر كام جنيه ..

وحرمت نفسى م الولد ..

عايش حياتى بدون سند ..

واصبر واقول هانت خلاص ..

والصبه بتهد الأساس ..

وابنك يغلى فى الحديد ..

أرجع وأبدأ من جديد ..

ورجعت ليــــــه ؟!!!!!

بقى يوم ما جيت ... وبقالى بيت

وحلمت الم ولادى فيه ...

عايزه ببساطه تحلبيه ؟؟!!!!!

والله ده انت بجد قادره

واهو ياما فى الدنيا بيجرى ..

طب سيبى حته فـ قلبى منك ..

لو جت مصيبه تنجدك وترد عنك ..

والا اقولك ....

هاتى حد وحكميه ..

مين اللى جرى النيل فى أرضك ؟

مين اللى خضر لك فى زرعك ؟

مين اللى طول العمر شايلك ؟

مين اللى عمر ... واللى حرر ..

واللى شمر ؟ لاجل أم الدنيا تكبر

واما يكبر بتراضيه ...

مين اللى قالك إنه بانى ؟

مين استلف لك لاجل رخصة للمبانى ؟

ما يكونش باابنى فـ ملك تانى !!

والله ده انت مغلبانى

ممكن سؤال لو تفهميه ..

يبقى نخلص ..

هاتى م الآآآخر يا غاليه واسمعيه ..

البلد دى عاوزه إيه ؟؟؟!!!!!!!!!!!!!!!!!


الثلاثاء، 1 ديسمبر 2009

مسئوول

إلى مدير المدرسة
غريق نادت الشط يداه

مريض عافت الدنيا دواه

تجرع من كؤوس الصبر مراً

ومر لم يمر على شفاه

وصاحبه بذات الأمر يمضى

ووحل قضيتى يعلو خطاه

يطهر فى طريق الخير أفقاً

ويبخل أن يطهر ما علاه

ومفتون بعقل مستنير

تبدى واثقاً مما يراه

وظن الأمر منزوع الحساب

ولا أحد يراجع ما جناه

فلا تعيبوا فى ولاة الأمر حكماً

إذا انتفشوا بما ملكوا وتاهوا

ففرد حاكم فينا نعيب

وآخر مثله أرجو هداه

ملاك الأمر فى الشورى وإلا

فلا خير إذا فرد حواه

الجمعة، 20 نوفمبر 2009

إلى المحب لسنة رسول الله تعالى



الحمد لله رب العالمين والصلاة والسلام على المبعوث رحمة للعالمين ... وبعد

بنى الحبيب – حتى و إن كنت كبيرًا فى السن – أنا أغبطك على هذه الغيرة المحمودة
لدين الله عز وجل وأهمية صرف الوقت فيما يفيد فقد رأيت فى كلامك حرصًا أسأل الله
تعالى أن يرزقك معه الفهم الصحيح والشامل لدين الله تعالى وكما أراد بين رسولنا فى
سنته ... غيرتك هذه ذكرتنى بمقولة ابن القيم – رحمه الله – حين قال " فأى دين وأى
عقل فيمن يرى محارم الله تنتهك وتضيع وسنة رسوله يرغب عنها وهو بارد القلب ساكن
اللسان شيطان أخرس .. وهل بلية الدين إلا من هؤلاء الذين إذا سلمت لهم مآكلهم
ورياستهم فلا مبالاة مما يجرى بعد ذلك على الدين " وقبل أن أخوض معك فى الأمر ..
أسألك عدة أسئلة ومنطلقى فيها أن تجمعنا رحم الدين الشامل ...

1
أليس المؤمن يجاهد بسيفه ولسانه كما قال الحبيب صلى الله عليه وسلم ؟

2- أليست وسيلة التغيير لا تقبل إلا إذا عجز الإنسان عن الأكمل منها ؟ فلا يقبل التغيير
بالقلب مادام التغيير باللسان فى الإمكان ؟

3- أليس أفضل الجهاد كلمة حق عند سلطان جائر ؟

4- ألم يقل ربنا عز وجل " لا يكلف الله نفسًا إلا ما آتاها " ؟ أتفهم بعض المراد من الآية
؟ دعنى أهمس فى أذنك أن مفهوم الآية أن الله كلف كل نفس بما آتاها .

5- أليس الله قد رزق كل إنسان بعض الهبات والمنح والمواهب تختلف عن الآخرين
وواجب كل فرد أن يشكر الله بهذه النعمة فى سبيله ؟

6- ألم يقل النبى صلى الله عليه وسلم لأحد صحابته عن الأذان علمه لبلال فإنه أندى منك
صوتًا ؟

7- ألا تعلم أن جاهزية المؤمن تجعله يخوض الغمار فى أى وقت وبأى وسيلة شريفة
رزقه الله ومكنه منها ؟

8- أليست العاطفة أصل الدافع والمحرك للسلوك الذى عليه مناط التغيير المنشود ؟

9- أليس من حكمة الله أن يكون نصف آيات القرآن تقريبًا تتمثل فى الترغيب والترهيب
بعيدًا عن الأحكام ؟ إثارة للمشاعر والعواطف

بنى الحبيب بحبه لسنة الحبيب أسأل الله لك الفهم والفقه وعدم التنطع فى دين الله
تعالى ... إن المشاعر والعاطفة الدينية القوية هى التى حفظت الإسلام قرونًا طويلة ...
ذلك لأن الجفاف الروحى واليبس العاطفى أخطر آفات العمل الإسلامى

وفى هذا يقول " المودودى " يجب أن تكون فى قلوبكم هذه العاطفة نار متقدة مثل
حرصكم على أبنائكم ومصالحكم الشخصية وهى إن لم تكن راسخة فى أذهانكم ملتحمة مع
أرواحكم فإنكم لا تقدرون أن تحركوا ساكنًا "

وفى هذا يقول الغزالى " الناس الآن على صنفين :

· صنف تلمس فيه عاطفة حارة وحبًا لله ورسوله لكنه لايعلم من أحكام الكتاب والسنة
وفقه الواقع إلا القليل .

· وصنف تلمس فيه العلم والبلاغة لكنه بارد الأنفاس غليظ القلب

أسأل الله تعالى أن يعصمنا من الصنفين لهذا فما دام الله قد رزقك الحماسة والغيرة فلا
يبقى إلا أن تتعلم شيئًا من فقه الدين كتابًا وسنة :

1- ألم يستحسن النبى صلى الله عليه وسلم بيت لبيد " ألا كل ما خلا الله باطلاً" وأثنى
عليه وعلى قائله ؟

2- ألم يكن للنى صلى الله عليه وسلم شاعرًا ومن أحب الكنى إليه - أى إلى حسان بن
ثابت – أنه شاعر الرسول صلى الله عليه وسلم ونسبة الاسم إلى رسول الله فيها من
الإقرار ما فيها ؟

3- ألم يحثه كثيرًا ويدعوه صلى الله عليه وسلم على إلقاء الشعر قائلاً له " اهجهم
وجبريل معك " و " اهجهم وروح القدس معك " ؟

4- ألم يكن جزء من المبارزة بين " على بن أبى طالب و " عمرو بن ود " يوم الخندق
عن طريق الشعر ؟ وارجع إلى كتب السنة فى هذا .

5- بل إنى أسوق إليك دليلاً آخر ....

هل تعلم ان النبى صلى الله عليه وسلم صوب الشعر ليستقيم مع رؤية المسلم الحق ؟ ربما
تتعجب ولكن اسمع منى ...

تقرأ عليه الأبيات إن الرسول لنور يستضاء به مهند من سيوف الهند مسلول

هذا كان أصل البيت فيسأل النبى صلى الله عليه وسلم الشاعر قائلاً له : " أيصح أن تقول
من سيوف الله ؟ " قال : نعم قال : فقل من سيوف الله .

فصار البيت كما نقرؤه الآن . أتدرى مفهوم سؤال النبى صلى الله عليه وسلم بلفظ "
أيصح " ؟ هذه الكلمة تتضمن حفاظه على آلية الشعر وفنيات الكتابة التى برأه الله منها
فقط حفاظًا على قدسية الوحى ولإبطال حجة المشركين أنه يأتى بالقرآن من عند نفسه .

· ودعنى هنا أعطيك شيئًا من الشعر المرفوض .. يقول الشاعر :

أتوب إليك يا رحمن مما عملت فقد تظاهرت الذنوب

وأما من هوى ليلى وتركى زيارتها فإنى لا أتوب

· وآخر يقول :

ولأطلبنك فى القيامة جاهدًا بين الخلائق والعباد نشور

فبجنة إن صرت صرت بجنة ولئن حواك سعيرها فسعير

· وآخر يقول :

أرانى إذا صليت يممت نحوها وجهى وإن كان المصلى ورائيا

أعتذر إليك إن كنت قد آذيت عينك مما قرأت ولكن سؤالى الأخير ....

· هل وجدت فيما قرأت فى المدونة ما يقدح فى أمر العقيدة ؟ أو يدعو إلى رذيلة ؟ أو يحث
على فحش ؟ أو يوحى بما يخدش ثوابت الأمة المباركة ؟

إن الواقع الذى تعيشه الأمة الآن يجعل كل إنسان مكلف بأن يدلو بدلوه مما رزقه الله فكلنا
على ثغر من ثغور الإسلام والله عز وجل هو الذى يقبل العمل الصالح ... ألم يقبل من
صاحب حفنة الشعير فى غزوة تبوك كما قبل من عثمان كل ما أنفق ؟ وهو وحده الذى
يعلم مكنونات الصدور وصدق النوايا فى الإنفاق والحركة والدعوة إليه ...

والشعر يابنى من وسائل الدعوة الكريمة لا ينبغى إغفاله أبدًا أو ترك الساحة فيه
للمبتذلين وساقطى الذوق الذين كتبوا للحمار والحنطور والخضار

نحن مطالبون شرعًا أن نبذل كل ما وهبنا الله تعالى حفاظًا على هذا الدين وزودًا عنه .

... بنى الحبيب نحن نتعامل مع الدنيا ونخاطبها كلها فينبغى أن تسمع كلمتنا فى كل
مجال ... فى العلم الدنيوى والشرعى فى السياسة والاقتصاد والثقافة والرياضة كما فى
قوة الساعد والسلاح أيضًا ... فهذه شمولية الإسلام التى ربانا عليها رسول الله صلى الله
عليه وسلم .

ونحمد الله أن مفاتيح الجنة بيده وحده ليست بيد أحد يعطى من يحب ويحرم من يكره ..
ولكنها بيد الودود الرحيم العليم الحكيم سبحانه وتعالى ..

وفى الختام أسوق إليك طرفة ـ ولا تقل إنها حرام ـ فهى حقيقية ... أن الشيخ عبد الباسط
رحمه الله كان يؤذن فى أحد المساجد فسمعه أحد الأجانب وكان يركب الحنطور فسأل
العربجى عن الصوت الجميل ثم عن الإسلام ومن فضل الله تعالى نطق بالشهادة ثم بعد
مسافة تعرضا لمسجد آخر يقيم الصلاة .. صوت المؤذن فظ غليظ ينفر النفوس فجعل
العربجى يقول لحصانه " مدى شويه أحسن الراجل يكفر "

بنى الحبيب أثقلت وأطلت ولكنى أردت أن أوضح الأمور لك ولأمثالك حتى لا تتداخل
التصورات ويختلط الفهم فنعتقد صوابا ما ليس صحيحا والله أسأل أن يرزقنا الفهم
والعمل معًا ...

ختامًا لك نصيحتى وإذا أردت التواصل أشرحها لك ... يا بنى لا تكن أرضًا مقدسة بلا
زمزم "
والسلام عليكم ورحمة الله تعالى وبركاته
Email:
www.weghtn@yahoo.com